viernes, 29 de marzo de 2013

9.ª FRASE CÉLEBRE

Nesta semana de vacacións tan chuviosa, a lectura é unha actividade perfecta para desfrutar do tempo libre. Espéranvos mundos incribles, personaxes fantásticos e aventuras extraordinarias!

"Cada libro, cada tomo que ves, tiene alma. El alma de quien lo escribió, y el alma de quienes lo leyeron y vivieron y soñaron con él". Carlos Ruiz Zafón

CONTA ATRÁS PARA A NOVA BIBLIOTECA... 7


Quedan...


  días.

miércoles, 27 de marzo de 2013

SORPRENDENTEST DE... JONATHAN PADÍN

Para adiviñar o nome do protagonista do Sorprendentest só tiñades que cambiar os números polas letras correspondentes do abecedario.
Jonathan Padín, un dos nenos máis futboleiros do cole, contestounos esta semana ás preguntas do test. Non deixedes de ler as súas respostas!

1. Lembras quen te ensinou a ler?
A profe Cristina.

2. Cal é o teu libro favorito?
El diario de Greg.

3. Agora estás a ler...
El pequeño Otto ha desaparecido.
 
4. Cal é o conto clásico que máis che gusta? Por que?
Mortadelo e Filemón, porque fan moitas cousas divertidas.

5. Se puideses cambiar un conto, cal sería e que lle cambiarías?
(o final, os personaxes, o lugar…)

Cambiaríalle os nomes aos personaxes de Harry Potter.

6. Para rematar, dános un consello relacionado coa lectura.
Hai que ler moito.


Para o próximo Sorprendentest non precisades máis pistas. Xa está todo aclarado!
 

CONTA ATRÁS PARA A NOVA BIBLIOTECA... 9


Quedan...


días.

martes, 26 de marzo de 2013

APERTURA DA NOVA BIBLIOTECA!!!

Por fin chegou día!!!
A nova Biblioteca abrirá as súas portas o vindeiro:

VENRES 5 de ABRIL
Ide preparándovos porque a espera pagou a pena!!!
Queda oficialmente inaugurada a conta atrás:
Faltan...
     días.

lunes, 25 de marzo de 2013

RECOMENDACIÓN LECTORA: BON APPÉTIT

O día 27 de marzo conmemórase o DÍA MUNDIAL DO TEATRO. A recomendación lectora desta semana títulase Bon appétit, unha obra de teatro en galego gañadora, na modalidade Infantil, do VII Premio Barriga Verde de textos para teatro de monicreques. Agárdavos na Biblioteca!

BON APPÉTIT
Begoña García Ferreira
Baía Edicións/Xunta de Galicia
Sinopse: Enrico Pastorelli é un cociñerio feliz que desfruta experimentando sabores na súa cociña creativa. Está preparando un libro coas súas orixinais receitas.
Un día encontra na parada do autobús a un home desesperado porque non lle para ningún taxi e...
Enrico Pastorelli, Albino Coco, Raiola, Xurela, Pito Pito, Gorgorito, Padriño e Francesca son os personaxes desta divertida obra.

viernes, 22 de marzo de 2013

8.ª FRASE CÉLEBRE

Poñemos fin á semana e ao trimestre coa oitava frase célebre do ano.
Esta frase é moi especial porque dentro de moi pouco poderedes desfrutar do voso "Paraíso"!

“Siempre imaginé que el Paraíso sería algún tipo de biblioteca”. Jorge Luis Borges
E... falando de paraísos, que vos parecería contarnos cales son os vosos paraísos? Animádevos a facelo a través dos comentarios.

FELICES VACACIÓNS!

Non esquezades que o blog seguirá coas seccións habituais durante as vacacións.

jueves, 21 de marzo de 2013

NOVA SECCIÓN: PALABRAS CON ENCANTO

Ola a tod@s! Hoxe tráivos unha nova sección para o blog.
Xa sabedes que este ano o Equipo de Normalización Lingüística está a realizar unha actividade moi interesante chamada "PALABRAS CON ENCANTO".
É unha proposta para facer na casa, de xeito totalmente voluntario, que ten como obxectivos fomentar o emprego do galego e ampliar o vocabulario nesta lingua.
Só tedes que escribir a definición da palabra correspondente, facer un debuxo e entregarllo ás profes: María, Sofía, Flora ou Mercedes.
E... como podedes enterarvos da palabra que hai que definir? Pois dun xeito moi sinxelo. Tedes 3 posibilidades:

                           1.  A través dunha nota informativa que levaredes para casa.
                           2.  Mirando no mural da entrada.
                           3.  Entrando no blog.

Polo de agora xa coñecedes 2 palabras:

AXÓUXERE e BOTELO

Estade atentos, porque no momento menos pensado sae a terceira palabra!

Déixovos dúas fotos cos vosos traballos. Pouco a poco irei engadindo outras novas.













 Non esquezades que todos os participantes recibiredes un pequeno agasallo!
ANIMÁDEVOS E PARTICIPADE!

miércoles, 20 de marzo de 2013

SORPRENDENTEST DE... ADRIÁN TORRES

Como moi ben adiviñastes, esta semana o protagonista do Sorprendentest é Adrián Torres, un neno ao que lle encanta a Historia e ao que lle gustaría viaxar a Xapón.
Non deixedes de ler o seu consello!

1. Lembras quen te ensinou a ler?
Os meus pais e no colexio.

2. Cal é o teu libro favorito?
Geronimo Stilton.

3. Agora estás a ler...
El pequeño Otto.
 
4. Cal é o conto clásico que máis che gusta? Por que?
Carapuchiña vermella, porque o cazador mata ao lobo.

5. Se puideses cambiar un conto, cal sería e que lle cambiarías?
(o final, os personaxes, o lugar…)

Cambiaría o final de Geronimo Stilton.

6. Para rematar, dános un consello relacionado coa lectura.
É bo ler porque te culturizas.


Durante as vacacións de Semana Santa, o blog continuará coas súas seccións habituais.

A pista para coñecer ao protagonista do próximo Sorprendentest é un pouquiño máis difícil. Aquí a tedes. A discorrer!
  
10      16      14      1      21      8      1      14

martes, 19 de marzo de 2013

TEATRO 1.º CICLO: HAPPY EVER AFTER

O pasado martes 12 de marzo os nenos e nenas do 1.º ciclo foron a Pontevedra a ver unha obra de teatro titulada "Happy ever after". Esta era a primeira vez que asistían a ver unha obra representada en inglés, polo que estaban un pouco asustados. Non sabían se ían entendela ben!  Ao final a experiencia foi fantástica e seguro que repiten outro ano!

Podedes ver as fotos desta mañá tan especial premendo no seguinte enlace:

lunes, 18 de marzo de 2013

NOTICIA: FOTOS E VÍDEOS DÍA DE ROSALÍA

Ola de novo:

Lembrades o día das Letras Galegas do curso pasado? Xaquín Xesteira, membro fundador dos grupos de música "Treixadura Gaiteiros" e "Os Faíscas", ofreceunos un fantástico concerto didáctico sobre algúns dos instrumentos tradicionais galegos.

Este ano, xunto ao seu grupo "Os Faíscas", realizou unha homenaxe a Rosalía de Castro no Día da Poesía.

Se queredes ver os seus vídeos e as fotos do cole, que quedarán como recordo deste día, só tedes que entrar no blog en Conmemoracións - Día de Rosalía. Aquí atoparades os vídeos e o enlace para ver ou decargar as fotos.

Ata pronto.

RECOMENDACIÓN LECTORA: MI PAPÁ

Xa sabedes que mañá é un día mooooooi especial: celébrase o DÍA DO PAI. A recomendación lectora desta semana vai adicada a todos os papás. Un libro ideal para ler en familia!

MI PAPÁ
Anthony Browne
Fondo de cultura económica.
(A partir de 3 años)
Sinopsis: "Sí que está bien mi papá", nos dice el narrador de esta historia, como si nos estuviera contando un secreto. Porque su papá no le tiene miedo a nada, puede luchar contra gigantes o ganar la carrera de los papás en el día del deporte. Es un gran bailarín y un excelente cantante. Es fuerte como un gorila y feliz como un hipopótamo.
Las ilustraciones son ingeniosas y divertidas.
Todo lo que conocemos acerca de él es a través de la voz de su hijo, una voz que nos interpela directamente, que nos quiere hacer partícipes del amor y la admiración que lo unen a su padre: "Yo quiero a mi papá. Y, ¿saben qué? ¡Él me quiere a mí! (Y siempre me querrá.)"


viernes, 15 de marzo de 2013

7.ª FRASE CÉLEBRE

A frase célebre desta semana é moi breve, pero non por iso nos vai facer reflexionar menos.

"Leer es multiplicar y
enriquecer la vida interior".
                             Nicolás De Avellaneda

Desfrutade dun merecido fin de semana... LENDO!

miércoles, 13 de marzo de 2013

SORPRENDENTEST DE... MARÍA CLARA SANTIAGO

Por fin desvelamos o Sorprendentest desta semana; parece que algúns tiñades moi claro de quen se trataba pero outros estabades algo despistados.
Aquí tedes as respostas e o autorretrato de María Clara, unha das nenas máis alegres e divertidas do colexio. Desfrutádeo, porque é moi interesante!

1. Lembras quen te ensinou a ler?
O meu irmán.

2. Cal é o teu libro favorito?
Harry Potter.

3. Agora estás a ler...
Geronimo Stilton.

4. Cal é o conto clásico que máis che gusta? Por que?
Os tres porquiños, porque é moi divertido.

5. Se puideses cambiar un conto, cal sería e que lle cambiarías?
(o final, os personaxes, o lugar…)

Cambiaría o final do conto Os tres porquiños.
Gustaríame que os porquiños lle deran unha malleira ao lobo.

6. Para rematar, dános un consello relacionado coa lectura.
- É bo ler porque así podes practicar a túa lectura.
- Ler é como ter a televisión na cabeza, só que lendo.


A pista para o próximo o Sorprendentest é:
 
53 9u3r35 5483r d3 9u3n 53 7r474 d383s d35c1fr4r 3574 m3n54x3.
0 n0m3 9u3 8u5c45 3 4dr14n.

lunes, 11 de marzo de 2013

RECOMENDACIÓN LECTORA: ELAS

O pasado venres 8 de marzo conmemorouse o "Día Internacional da Muller ou Día Internacional da Muller Traballadora", unha razón estupenda para propoñervos a recomendación lectora desta semana.
Espero que vos guste!

ELAS
Cecilia Afonso Esteves
Editorial Kalandraka
(a partir de 8 anos - adultos)
Sinopse: Un poema, unha homenaxe: palabras de muller para ELAS...
Trátase dun libro delicado e sereo, en forma de poema, que nos leva aos catro elementos (Auga, Terra, Lume e Aire) e á presenza constante das mulleres.

viernes, 8 de marzo de 2013

6.ª FRASE CÉLEBRE

Se tivera que elixir algunha das frases célebres do blog, non saberia con cal quedarme. E vós?
Todas son interesantes!
Esta semana a homenaxe é para os libros.

"Los libros son las abejas que llevan el polen de una inteligencia a otra". James R. Lowell

miércoles, 6 de marzo de 2013

SORPRENDENTEST DE... ALBA VIDAL

Esta semana, o turno do Sorprendentest correspóndelle a Alba Vidal, unha alumna que sabe combinar á perfección os estudos e o deporte.
Por se fora pouco, aínda lle queda tempo para ser seguidora do blog.
Non vos perdades o seu autorretrato e as súas respostas!

1. Lembras quen te ensinou a ler?
A miña nai e a profe Cristina.

2. Cal é o teu libro favorito?
Esmeralda.

3. Agora estás a ler...
La pirámide roja.

4. Cal é o conto clásico que máis che gusta? Por que?
Blancanieves, porque foi o primeiro que lin.

5. Se puideses cambiar un conto, cal sería e que lle cambiarías?
(o final, os personaxes, o lugar…)

Cambiaría Caperucita.
Gustaríame que sucedese na cidade.

6. Para rematar, dános un consello relacionado coa lectura.
Non se me ocorre ningún.


A pista para o Sorprendentest da vindeira semana é... Brasil.

Mándovos moita enerxía para rematar o trimestre! ÁNIMO cos exames!

lunes, 4 de marzo de 2013

RECOMENDACIÓN LECTORA: A VERDADEIRA HISTORIA DE CARAPUCHIÑA

Moitos contos clásicos teñen versións diferentes ás orixinais. Nesta ocasión a historia de Carapuchiña non deixará de sorprendervos en cada unha das súas páxinas.

A VERDADEIRA HISTORIA DE CARAPUCHIÑA
Antonio R. Almodóvar / Marc Taeger
Editorial Kalandraka
(de 3 a 6 anos)
Sinopse: Había unha vez unha nena moi xeitosiña que vivía nunha aldea, preto dun bosque. Chamábanlle Carapuchiña, ou Carapuchiña Vermella, porque a súa avoa, que vivía noutra aldea dos arredores, regaláralle unha capa desa cor, cunha carapucha para o frío… Sen embargo, non todo sucede segundo o esperado!

 
No seguinte vídeo podedes ver outra versión moi especial na que Carapuchiña ten uns axudantes que todos coñecedes: Os tres porquiños.
Non vos perdades esta curiosa e divertida historia!!!

viernes, 1 de marzo de 2013

5.ª FRASE CÉLEBRE

Poñemos fin á semana cunha bonita frase célebre:

"En Egipto, a las bibliotecas se las llamaba el tesoro de los remedios del alma. En efecto, curábase en ellas de la ignorancia, la más peligrosa de las enfermedades y el origen de todas las demás". Jacques Benigne Bossuet

Se queredes saber máis sobre Exipto clicade nos seguintes enlaces: