viernes, 21 de junio de 2013

DESPEDIDA DO CURSO

Despois de 6 meses de andaina... chegou o momento da despedida :(
 
Quen ía pensar no mes de xaneiro, cando comezamos a aventura, que teriamos máis de 3.000 visitas!!!
 
Espérovos a todos no mes de setembro.
 
Aproveitade o verán para ver os enlaces dispoñibles no blog. Tedes moitos recursos interesantes!!!
 
Grazas por cada una das 3.110 visitas recibidas e polos comentarios achegados.
 
 
FELIZ VERÁN!!!

20.ª FRASE CÉLEBRE

Hoxe despedimos as frases célebres do curso 2012-1013.

Espérovos en setembro :)

“Creo que vale la pena leer porque los libros ocultan países maravillosos que ignoramos, contienen experiencias que no hemos vivido jamás. Uno es indudablemente más rico después de la lectura”. Adolfo Bioy Casares (escritor argentino)

miércoles, 19 de junio de 2013

SORPRENDENTEST DE... ADRIÁN MARTÍNEZ

A pista para resolver o último Sorprendentest do curso era moi sinxela. Simplemente tiñades que ordenar as letras das palabras para descubrir o nome do protagonista.
Adrián Martínez contestou esta semana ás preguntas. Aproveitade as súas respostas, porque quizais vos interesen os libros dos que fala. Kika Superbruxa, O pirata Garrapata... soa ben, verdade?                           

1. Lembras quen te ensinou a ler?
A miña nai.
 
2. Cal é o teu libro favorito?
Kika Superbruxa tola polo fútbol.

3. Agora estás a ler...
O pirata Garrapata na India.
 
4. Cal é o conto clásico que máis che gusta? Por que?
O pirata Garrapata na India, porque é moi divertido.
 
5. Se puideses cambiar un conto, cal sería e que lle cambiarías? (o final, os personaxes, o lugar…)
Cambiaríalle o lugar a O pirata Garrapata.
 
6. Para rematar, dános un consello relacionado coa lectura.
Eu penso que coa lectura podes aprender novas palabras.


Espérovos en setembro con máis Sorprendentest !!!
 

lunes, 17 de junio de 2013

RECOMENDACIÓN LECTORA: JUNIE B. JONES Y LA FIESTA DE FIN DE CURSO

Xa que o xoves celebraremos no cole o festival de fin de curso, e sabendo que moitos de vós sodes seguidores dos libros de Junie B. Jones, a recomendación lectora desta semana ten moito que ver con este día. É a festa de graduación de Junie e os traxes xa están preparados pero... chegarán impecables á festa? Mirade a portada!

JUNIE B. JONES Y LA FIESTA DE GRADUACIÓN
Barbara Park
Editorial Bruño
(2.º ciclo Primaria)
Sinopsis: ¡Va a ser la fiesta de fin de curso! (o, como dice Junie B., la" ceremomia de granuación", que es para celebrar que te haces supermayor y ya falta menos para que te salgan granos). La Seño reparte los trajes para la fiesta a todos los niños de la clase y les explica que, para que no se manchen, deberán tenerlos guardados hasta que llegue el gran día. ¿Será Junie B. capaz de aguantar tooooodo ese tiempo sin probarse su preciosísimo traje?

viernes, 14 de junio de 2013

19.ª FRASE CÉLEBRE

Non credes que o verán é unha época estupenda para afeccionarse á lectura? Para conseguilo só necesitades dúas cousas: un lugar agradable e un libro interesante.

Agardo que todos atopedes ese libro especial. Eu xa teño o meu!

martes, 11 de junio de 2013

SORPRENDENTEST DE... ANTÍA MARTÍNEZ

Que tal foi a semana? O curso está a piques de rematar, pero aínda nos quedan Sorprendentest por descubrir.
Hoxe poderedes coñecer un poquiño mellor a Antía Martínez, unha nena de 5.º seguidora dos libros da colección Secretos del Pony Club.
As súas respostas son moi orixinais!!! pero antes de lelas imos resolver como se descifraba o seu nome. Os debuxos que aparecían na pista correspondíanse con letras da escritura xeroglífica exipcia. Só tiñades que buscar a súa equivalencia.
                                                                         
1. Lembras quen te ensinou a ler?
Si, a profe Inma máis a miña nai.
 
2. Cal é o teu libro favorito?
Secretos del Pony Club: "Relámpago y la copa del campeón".

3. Agora estás a ler...
Secretos del Pony Club: "Tormenta y el grand slam".
 
4. Cal é o conto clásico que máis che gusta? Por que?
O parrulo feo, porque nos ensina que non debemos rexeitar a ninguén por como é por fóra, senón que debemos ver como é por dentro.
 
5. Se puideses cambiar un conto, cal sería e que lle cambiarías? (o final, os personaxes, o lugar…)
Cambiaría Hansel e Gretel. Gustaríame que a meiga estivera feita de gominolas e que os nenos atoparan unha familia.
 
6. Para rematar, dános un consello relacionado coa lectura.
Se che gusta ler, aproveita, porque ademais de ser divertido, axuda a corrixir faltas de ortografía.


A vindeira semana, realizaremos o último Sorprendentest deste curso. O nome que buscades podedes atopalo en:
anidar
darían
radian

lunes, 10 de junio de 2013

RECOMENDACIÓN LECTORA: A MIN NON ME COMAS!

Hoxe recoméndovos un libro que está a ter moito éxito entre os nenos/as da aula de 2.º.
En A min non me comas!, Margarita del Mazo inspirouse nas súas propias vivencias, concretamente no desacougo que lle producía a escuridade cando era pequena.
Neste conto, os nenos amedrentados por este ou outros temores poderán comprobar, aliviados, que non son os únicos para quen as sombras se converten en famentos monstros, tal e como lle sucede a Mateo, o protagonista da historia.
A MIN NON ME COMAS!
Margarita del Mazo / Vitali Konstantinov
Editorial OQO
(Idade 3 a 6 anos)
Sinopse: Era una noite sen lúa... O reloxo daba a UNHA... DONG! De pronto, Mateo espertou asustado. Escoitara un ruído detrás da porta, onde estaban colgados os abrigos. Mirou cara alí, pero só viu una sombra... Abriu moito os ollos, sen pestanexar, e a sombra transformouse nun... MONSTRO!

viernes, 7 de junio de 2013

18.ª FRASE CÉLEBRE

Despois dun fantástico día de excursións de fin de curso, podedes seguir descubrindo mundos incribles a través dos libros. Están ao voso alcance nun abrir e pechar de follas!!!

"Hay grandes libros en el mundo y grandes mundos en los libros".

jueves, 6 de junio de 2013

SORPRENDENTEST DE... IVÁN MARTÍNEZ

Ola a tod@s!
Que guapos estades no muro do cole; sodes uns auténticos artistas!!!
Supoño que descubristes o nome do zar ruso alcumado "El Terrible". Se foi así, xa saberedes que o protagonista do Sorprendentest desta semana é Iván, un neno que non ten nada de terrible. Nesta ocasión, en lugar de facer o seu autorretrato, decidiu facer o meu. Mirade que guapa estou!
 
Aquí tedes as súas respostas:
 
1. Lembras quen te ensinou a ler?
A profe Elena e miña nai.
 
2. Cal é o teu libro favorito?
Navidad en la granja.

3. Agora estás a ler...
Na aventura dos muíños.
 
4. Cal é o conto clásico que máis che gusta? Por que?
Gústanme todos, porque creo que son divertidos.
 
5. Se puideses cambiar un conto, cal sería e que lle cambiarías? (o final, os personaxes, o lugar…)
Non cambiaría ningún; parécenme todos ben.

6. Para rematar, dános un consello relacionado coa lectura.
Se encontras un libro que che gusta, cando o les, parece que estás dentro del.
 

Xa falta pouco para rematar o curso, pero aínda nos quedan algúns Sorprendentests. Para a vindeira semana, a pista está relacionada con Exipto. A investigar!!!

lunes, 3 de junio de 2013

RECOMENDACIÓN LECTORA: MIRAR A PINTURA A TRAVÉS DOS SÉCULOS

Como ben sabedes, esta semana imos celebrar no cole a...

I SEMANA DE ARTE NA ESCOLA
A arte estará presente en moitos recunchos do centro. Faremos exposicións de cadros, esculturas... Ata temos preparada unha actividade xenial relacionada cos "graffitis". Mirade ben o muro da entrada, porque quizáis pronto cambie o seu aspecto!!!

A nova recomendación lectora serviravos para achegarvos ao mundo da pintura. Trátase dunha explicación adaptada ao público infantil sobre 18 obras da Historia do Arte, con pintores como Da Vinci ou Picasso.

MIRAR A PINTURA A TRAVÉS DOS SÉCULOS
Factoría K de libros - Kalandraka
(Idade recomendada: a partir de 7 anos)
Sinopse: Este libro é, desde o comezo, unha festa para ollos, un gozoso achado de 18 obras mestras da pintura. Entrade e paseade polos cadros, observade as cores, examinade os detalles ampliados... Despois, divertídevos levantando as lapelas para descubrir os textos ocultos que nos invitan a mirar, xogar, e que aclaran a lectura dos cadros.
Un libro de arte para saborear en familia.